Oradornan

Tin un lista variá di diferente eskperto i profeshonal nan ku eksperensia i pashon pa e topiko di aksesibilidat. Tur lo tei pa ekipá abo i bo koleganan riba tur loke bo mester sa pa hasi Kórsou aksesibel

Jeff Macalonie

Junior Marketeer @

Profound Projects

Topiko: Aksesibilidat Online

Jeff (1996) ta un "Junior Marketer" na e kompania Profound, kaminda e ta kontribuí kontenido na kuentanan di medionan sosial di e diferente klientenan di e kompania i tambe e ta responsabel pa e maneho di e kuentanan di medionan sosial di Profound i Skempi.

​

E la studia IT na Frater Aurelio SBO i despues a pasa dos aña trahando den "E-sports" na Mèxico, representando e region di Latino Amérika. E la lanta su propio kompania di E-sports ku yama Fuego, pa kual e la tambe enkargá di kreashon di kontenido i manehá tur e kampañanan di diseño di gráfiko i video, entre otro. Su plan ta pa sigui ekspandé  su talentonan serka Profound. Su hòbinan ta gaming, piska, bilyart, pasa tempu riba laman den boto i biaha. 

Miles Mercera

Presidente/CEO @

CHATA

Topiko: Turismo Aksesibel

Miles ta e presidente I Direktor actual di CHATA. E ta un fanatiko pashoná pa turismo ku e meta pa desaroyá su mes komo profeshonal den e industria global di hospitalidat i turismo ku enfoke riba strategia di negoshi, desaroyo di marka, komunikashon i desaroyo di destinashon.

​

Miles for di 2004 a drenta e area di turismo I hospitalidat. Ela sigui diferente studio i tambe traha den e area ei na diferente pais manera Renaissance Resort Aruba, Plaza Van der Valk Bonaire, Hilton Curaçao i Sheraton Schiphol.

​

Miles ta kere den e espiritu hoben, un manera di pensa, un sintimentu ku ta motiva bo saka lo maksimo di bida kada dia

Ruthline Haddocks

Direktora Interino@

Kranshi

Topiko: Invalide Parkeerkaart

Dia 21 februari 1969 den e bario Suffisant famia mama Keta i Winston Haddocks a keda grato sorprendé ku nasementu di 2 yu na e mes momentu. Rudsel i Ruthline Haddocks. Nos tin e plaser di presenta na nos oudiensia sra. Ruthline  Haddocks komo un di nos oradonan. Sra. Haddocks a bai Peter Stuyvesant College pa despues sigui ku Middelbare Administratief Onderwijs. Komo un persona ku hopi gana di sigui enrikese su mes a hasi Middle i Voortgezet Management. Nada no a stroba sra Haddocks pa sigui studia i a logra su Bachelor i  Master den Bussiness Administration. Sra Haddocks tin su sertifikado Identityfraud and documents. Sra Haddocks a haña 15 aña di eksperensia di trabou den sektor privá.

For di 2007 sra Haddocks ta laborá den e aparato gubernamental entre otro komo:

-              Manager Management Ondersteuning na Voogdijraad Kòrsou

-              Hefe di departamentu Documenten & Inlichtingen ( pasport, sedula, uittreksel ets. na Asuntunan Publiko)

Aktualmente sra Ruthline Haddocks ta funshona komo Hefe interino di Kranshi. Pa sosega kurpa i mente den su oranan liber sra Haddocks ta Kana i praktika Aerobic. Pa duna bèk na komunidat sra Haddocks ta duna su aporte na Fundashon Tur ta Konta

Iva Martina

Direktora @

Skol Mirna Dovale

Topiko: Aksesibilidat pa ku Oido

Sra Iva Martina a nanse na Kòrsou i studia na Kòrsou i Venezuela. Na Kòrsou el a studia komo maestra di skol básiko na “Pedagogische Academie Curacao”   Durante su estudio a bin konstatá ku su subrino a nanse surdu i esaki tabata su motivashon pa  bai studia pa “maestra de niño sordos” na Venezuela.

Na aña 1981 el a regresá Kòrsou kaminda el a kuminsá traha na “School voor Doven en Slechthorenden” aktualmente Skol Myrna Dovale. Despues di a traha 25 aña komo maestra e ta, te ku e fecha aki dirigente di e skol.

For di 1982 sra Martina ta aktivo miembro di Fundashon Hèndikép Ouditivo i di 1983 te ku fecha e ta presidente di e Fundashon.

Meta di e organisashon ta: Promové bienestar, físiko, spiritual, sosial i material di esnan ku un hèndikèp ouditivo.

Duna guia i ayudo na esnan ku un hèndikèp ouditivo

Yuraima Bodak

Zorgmanager @

Zorg & Welzijn Groep

Topiko: Aksesibilidat pa ku bista

Yuraima Bodak ta un persona dinámiko, ku gusta desaroyo i inovashon. Yuraima ta bini for di un famia kaminda su mama i tata tin kuater yu, kual e ta esun mayó. Esaki a hasi di Yuraima un persona hopi independiente for di un edat bastante hóben. Kual a kontribuí ku Yuraima tabata konsiente di su vokashon i trahá pa alkansá e metanan ku e la stipulá. Yuraima a bai HAVO i kontinua ku e estudio di Sociaal Pedagogisch Hulpverlener i despues siguí ku Master Social Work. Banda di esakinan Yuraima a hasi diferente kursonan riba e aria di sikologia. Yuraima a trahá na Kòrsou ku diferente organisashon ku tin komo servisio prinsipal, pa yuda, guia i sostené esnan ku un limitashon, ku e meta prinsipal pa integrá e grupo di enfoke den komunidat. Yuraima a trahá direktamente ku e grupo di enfoke, duna konseho kon pa trata ku e grupo di enfoke, forma parti di diferente direktiva i tambe kontribuí pa yega na maneho pa e grupo di enfoke aki. Yuraima tin su propio kompania, ku ta karga e nòmber Konsultorio pa Desaroyo. Aunke e no ta bon den merkadeo, echonan a prueba ku e merkadeo di boka pa boka, a sa di hiba Konsultorio pa Desaroyo na un nivel stabil. Aktualmente Yuraima ta traha na Boneiru komo Zorg Manager na Zorg en Welzijn Groep, tambe komo Project Adviseur di Samenwerkende Fondsen Cariben Bonaire i e ta e kordinadó di Inclusie (kual ta e plataforma na Boneiru pa esnan ku tin un limitashon, malesa króniko i nos grandinan 60+). I banda di esaki ta forma parti di direktiva di dos fundashon. Yuraima ta trahá ku e vishon pa mira e grupo di enfoke (esnan ku un desabilidat) integrá den komunidat.     

Andira Kwidama

Manager Customer Service Operations@

Fundashon Kas Popular

Topiko: Bibienda Aksesibel

Andira Kwidama nase na Kòrsou na aña 1969.

Un parti di su studio ela hasi na Ulanda I na Kòrsou ela sigui profeshonalisá su mes.

Banda di su HBO maatschappelijk werker ela hasi su ‘Master Social Work’ na Universidat di Kòrsou.

Ela traha pa algun aña den e funshon di maatschappelijk werker na Stichting Rehabilitatie Brasami i tambe komo Hefe di departamento Sosial. Brasami ta un instituto ku ta duna kuido i tratamentu intramural na personanan ku tin problema di adikshon.

​

For di aña 2006 e ta laborá na Fundashon Kas Popular primeramente komo maatschappelijk werker kaminda e ta duna guia na e hürdónan ku tin un kas di hür na Fundashon i for di aña 2013 e ta Manager di Sektor Sosial.

E ta sinti su mes yama pa kontribuí pa halsa kalidat di Bida na esunnan ku ta den un nesesidat sosial-ekonómiko.

Aksesibilidat den Sentro di Suidat- 

Rapport 2014

Godalys Reina

Direktor Interino @

Pro Kuido

Topiko: Guia pa mehorá aksesibilidat

Noëmi Panneflek

Arkitkto @

Arkitektura MODUS 10 BV

Topiko: Guia pa mehorá aksesibilidat

Maaike Versteeg

Ergotherapeut @

Ergom

Topiko: Guia pa mehorá aksesibilidat

Maaike Versteeg (1975) ta fundado I doño di Ergom BV for di 2004. Maaike a gradua komo un ergotherapeut na 1999 na Hogeschool Rotterdam I a kuminsá traha na Revalidatie centrum curacao te 2007. Ela traha komo ergotherapeut I ko-direktor di Pro Kuido for di 2007 te ku 2013. Awe e tin su propio kompania I ta duna konseho na Best Care Logistic in Bonaire. E ta miembro di e komishon di indikashon di Sentro Solari, ministerio di SOAW, departamento di labor pa inspekshoná I konsehá si un persona ku un limitashon funshonal ta apto pa trabou i/of posishon. E ta miembro di e asosiashon Arbo Platvorm Dutch Caribbean; un asosashon di ekspertonan laboral ku e meta pa mehorá kondishonan di trabou. Tamb Maaike ta miembro di e team di konsehero di Fundashon Alton Paas for di 2014.